పల్నాడు జిల్లా కలెక్టర్ కార్యాలయంలో సనాతన హిందూ సాంప్రదాయ పండుగలకు ప్రభుత్వ నిధులు కేటాయించాలని వినతి పత్రం సమర్పించడం జరిగింది

పల్నాడు జిల్లా కలెక్టర్ కార్యాలయంలో సనాతన హిందూ సాంప్రదాయ పండుగలకు ప్రభుత్వ నిధులు కేటాయించాలని వినతి పత్రం సమర్పించడం జరిగింది

 *రాష్ట్ర అధ్యక్షులు పీవీన్ మాధవ్ గారి ఆదేశాల మేరకు పల్నాడు జిల్లా అధ్యక్షులు ఏలూరు శశి కుమార్ గారి అనుమతితో పల్నాడు జిల్లా కలెక్టర్ కార్యాలయంలో సనాతన హిందూ సాంప్రదాయ పండుగలకు ప్రభుత్వం నిధులు కేటాయించాలని వినతి పత్రం సమర్పించడం జరిగింది ఈ కార్యక్రమంలో పల్నాడు జిల్లా జనతా వారిది కన్వీనర్ మల్లెల శివ నాగేశ్వరరావు పల్నాడు జిల్లా యువ నాయకులు ఇంగ్గుటూరి రాజశేఖర్ రెడ్డి చిలకలూరిపేట పట్టణ ప్రధాన కార్యదర్శి సింగరేసు పోలయ్య తదితరులు ఈ కార్యక్రమంలో పాల్గొన్నారు*

*రాష్ట్ర కంటెంట్ – జనతా వారధి*

*విషయం: వసంత నవరాత్రులు, ఉగాది మరియు శ్రీరామ నవమి ఉత్సవాల నిర్వహణకు ప్రత్యేక నిధులు కేటాయించాలి – ఉగాది కొనుగోలు మార్కెట్లలో ప్రజలకు తగిన సదుపాయాలు కల్పించాలి – భారతీయ జనతా పార్టీ వినతి*

*భారతీయ జనతా పార్టీ ఆంధ్రప్రదేశ్ రాష్ట్రంలో ప్రజల సమస్యలను నేరుగా ప్రభుత్వ దృష్టికి తీసుకువెళ్లే లక్ష్యంతో అత్యంత ప్రతిష్టాత్మకంగా “జనతా వారధి” కార్యక్రమాన్ని నిర్వహిస్తోంది. ఈ కార్యక్రమం ద్వారా ప్రతి శుక్రవారం, శనివారం మరియు ఆదివారం రోజులలో బిజెపి ప్రజా ప్రతినిధులు మరియు నాయకులు మండల స్థాయిలో గ్రామాలు, పట్టణాలు పర్యటిస్తూ ప్రజల సమస్యలను తెలుసుకుంటున్నారు. అదే సమయంలో కూటమి ప్రభుత్వం అమలు చేస్తున్న సంక్షేమ మరియు అభివృద్ధి కార్యక్రమాలను ప్రజలకు తెలియజేస్తూ, అక్కడికక్కడే పరిష్కరించగల సమస్యలను పరిష్కరిస్తున్నారు. అధికారుల దృష్టికి తీసుకెళ్లాల్సిన ముఖ్యమైన అంశాలను ప్రతి సోమవారం PGRS ద్వారా ప్రభుత్వానికి వినతుల రూపంలో తెలియజేస్తున్నారు*

*ఈ విధంగా బిజెపి నిర్వహిస్తున్న జనతా వారధి కార్యక్రమం ప్రజలు మరియు ప్రభుత్వానికి మధ్య ఒక బలమైన వారధిగా నిలుస్తోంది*

*ఈ నేపథ్యంలో ఇటీవల నిర్వహించిన జనతా వారధి పర్యటనలలో ప్రజలు, ఆలయ కమిటీలు, ధర్మదాతలు మరియు భక్తుల నుండి ముఖ్యమైన వినతులు అందాయి. త్వరలో ప్రారంభం కానున్న వసంత నవరాత్రులు, ఉగాది మరియు శ్రీరామ నవమి పర్వదినాలను రాష్ట్ర వ్యాప్తంగా ఘనంగా నిర్వహించేందుకు ప్రభుత్వ సహకారం అవసరమని వారు కోరారు*

*భారతీయ సంస్కృతిలో వసంత ఋతువు అత్యంత పవిత్రమైన మరియు ఆధ్యాత్మికమైన కాలంగా భావించబడుతుంది. ఉగాది నుండి ప్రారంభమయ్యే వసంత నవరాత్రులు మరియు అనంతరం జరిగే శ్రీరామ నవమి ఉత్సవాలు భక్తులకు అత్యంత ఆధ్యాత్మిక ప్రాముఖ్యత కలిగిన పర్వదినాలు. ఈ కాలంలో రాష్ట్ర వ్యాప్తంగా ఉన్న రామాలయాల్లో శ్రీరాముడికి ప్రత్యేక పూజలు, హోమాలు, సీతారామ కల్యాణాలు, భజనలు, హరికథలు వంటి కార్యక్రమాలు ఎంతో భక్తిశ్రద్ధలతో నిర్వహించబడుతాయి*

*అదే సమయంలో వసంత నవరాత్రులు అమ్మవారికి కూడా అత్యంత ప్రియమైన పర్వదినాలుగా భావించబడుతాయి. అందువల్ల గ్రామాలలో ఉన్న అమ్మవారి ఆలయాలు మరియు గ్రామ దేవతల ఆలయాల్లో ఉగాది సందర్భంగా ప్రత్యేక పూజలు, ఉత్సవాలు నిర్వహించడం అనాదిగా కొనసాగుతున్న సంప్రదాయం*

*ఈ ఉత్సవాలు ప్రజల్లో భక్తి, ఐక్యత, సంస్కృతి మరియు సంప్రదాయాల పరిరక్షణకు ఎంతో ముఖ్యమైన పాత్ర పోషిస్తున్నాయి*

*అయితే ప్రస్తుతం రాష్ట్రంలోని అనేక గ్రామాలు మరియు పట్టణాల్లో ఉన్న రామాలయాలు, అమ్మవారి ఆలయాలు మరియు గ్రామ దేవతల దేవాలయాల్లో ఈ ఉత్సవాలను ఘనంగా నిర్వహించేందుకు తగిన ఆర్థిక వనరులు లేకపోవడం వల్ల ఆలయ కమిటీలు మరియు భక్తులు ఇబ్బందులు పడుతున్నారని జనతా వారధి పర్యటనలో వెల్లడైంది*

*కాబట్టి రాష్ట్ర ప్రభుత్వం దేవాదాయ ధర్మాదాయ శాఖ ద్వారా ప్రత్యేక నిధులు కేటాయించి అన్ని ఆలయాల్లో వసంత నవరాత్రులు, ఉగాది మరియు శ్రీరామ నవమి ఉత్సవాలు వైభవంగా నిర్వహించేందుకు అవసరమైన చర్యలు తీసుకోవాలని మనవి చేస్తున్నాము*

ఈ ఉత్సవాల నిర్వహణకు అవసరమైన ముఖ్యమైన ఏర్పాట్లు:

• ఆలయ ప్రాంగణాల శుభ్రపరిచే పనులు

• విద్యుత్ దీపాలంకరణలు మరియు ఆలయాల అలంకరణ

• వసంత నవరాత్రుల ప్రత్యేక పూజలు మరియు హోమాల నిర్వహణ

• శ్రీ సీతారామ కల్యాణం నిర్వహణకు అవసరమైన ఏర్పాట్లు

• భక్తులకు ప్రసాదం మరియు అన్నదానం కార్యక్రమాలు

• హరికథలు, భజనలు మరియు సాంస్కృతిక కార్యక్రమాలు

• భక్తులకు తాగునీరు మరియు ఇతర మౌలిక సదుపాయాలు

• భక్తులకు కూర్చునే సదుపాయాలు మరియు తాత్కాలిక పందిళ్లు

• భక్తుల భద్రత కోసం తగిన ఏర్పాట్లు

• ఆలయ పరిసరాల్లో పరిశుభ్రత నిర్వహణ

*అలాగే ఉగాది సందర్భంగా ప్రజలు పెద్ద ఎత్తున ఉగాది పచ్చడి కోసం అవసరమైన పదార్థాలు, పండ్లు, పూలు మరియు ఇతర వస్తువులను కొనుగోలు చేసే మార్కెట్ ప్రాంతాల్లో ప్రభుత్వం ప్రత్యేక ఏర్పాట్లు చేయాల్సిన అవసరం ఉంది*

అందుకోసం:

• మార్కెట్ ప్రాంతాల్లో శుభ్రత నిర్వహణ

• తాగునీటి సదుపాయం

• ట్రాఫిక్ నియంత్రణ

• తాత్కాలిక షెడ్లు మరియు ప్రజలకు సౌకర్యవంతమైన ఏర్పాట్లు

• భద్రత మరియు ప్రజా సౌకర్యాల ఏర్పాటు

ఇలాంటి ఏర్పాట్లు ప్రభుత్వ సహకారంతో జరిగితే రాష్ట్ర వ్యాప్తంగా వసంత నవరాత్రులు, ఉగాది మరియు శ్రీరామ నవమి ఉత్సవాలు మరింత వైభవంగా నిర్వహించబడటమే కాకుండా భక్తులకు సౌకర్యవంతమైన వాతావరణం ఏర్పడుతుంది.

-కాబట్టి రాష్ట్రంలోని అన్ని రామాలయాలు, అమ్మవారి ఆలయాలు మరియు గ్రామ దేవతల దేవాలయాల్లో వసంత నవరాత్రులు, ఉగాది మరియు శ్రీరామ నవమి ఉత్సవాలను ఘనంగా నిర్వహించేందుకు ప్రత్యేక నిధులు కేటాయించి, దేవాదాయ ధర్మాదాయ శాఖ ద్వారా తగిన చర్యలు తీసుకోవాలని గౌరవనీయ రాష్ట్ర ప్రభుత్వం మరియు జిల్లా కలెక్టర్ గారిని వినమ్రంగా కోరుతున్నాము

*భారతీయ జనతా పార్టీ*

*పల్నాడు . జిల్లా*